Компанијата Profit Engine анализираше поими кои луѓето најчесто ги пребаруваат на Google кога размислуваат за промена на кариерата. Меѓу нив се изрази како „burnout“, „стрес“, „отказ“ и „одлука“. Овие поими потоа беа поврзани со конкретни професии за да се утврди каде е незадоволството на вработените најизразено.
Според резултатите од анализата, вработените во следните пет професии најчесто размислуваат за давање отказ.
Здравствени негуватели
На врвот на листата се здравствени негуватели. Во оваа група спаѓа помошно здравствени работници, од оние кои земаат примероци на крв до асистенти и вработени задолжени за одржување на просториите.
Станува збор за исклучително физички и емоционално напорна работа. Често се лошо платени и со минимална институционална поддршка. Вработените се изложени на постојани физички напори, болести и емотивна исцрпеност.
Учители
Учителите исто така се издвојуваат по високото ниво на незадоволство. Главен причинител е професионално согорување.
Покрај работата во училница, учителите истовремено планираат настава, исправат работи, комуницираат со родителите, обавуваат административни задачи и работат со ученици со различни потреби. Сето тоа често доаѓа со ниски плати, работа надвор од стандардното работно време и постојан притисок од образовната администрација.
Медицински сестри
Медицинските сестри и пред 2020 година работеа во исклучително тешки услови, а пандемијата дополнително ја влоши ситуацијата.
Анализата истакнува работа во средина со висок притисок, каде грешките можат да имаат сериозни последици. Тука е и хроничниот недостаток на персонал, прекумерен број на пациенти по смена и смени кои го нарушуваат спиењето и приватниот живот. Според податоци, состојбата по пандемијата не се подобрила значително.
Лекари
Сè поголем број лекари размислуваат за напуштање на професијата, и покрај високите примања.
Покрај општите проблеми во здравствениот систем, посебно се истакнува голем дел од работното време што оди на административни битки со осигурителни компании за одобрување терапии и интервенции. Тоа дополнително ја зголемува фрустрацијата и чувството дека системот повеќе не функционира.
Правници
И правниците се наоѓаат меѓу високо платените професии со изразени знаци на согорување.
Според анализата, работат во исклучително конфликтна и конкурентна средина, често со екстремно долго работно време. Ова особено е изразено во областа на корпоративното право, каде високите плати сè почесто не можат да го надоместат трошокот кој таквиот начин на живот го остава на здравјето и приватниот живот.
Иако на проширената листа има и други занимања, заеднички именител на сите овие професии е согорувањето.
Како што истакнува извршниот директор на Profit Engine, Џејсон Морис, пребарувањата поврзани со исцрпеност далеку го надминуваат оние кои се однесуваат на плата или напредување во кариерата. Тоа јасно покажува дека проблемот лежи првенствено во условите за работа, а не само во финансискиот аспект.
Извор: bizlife.rs
